quaesitio

Iwwert mech 2017


Nom Lycée hunn ech um Centre universitaire zu Lëtzebuerg (1991-1992) an duerno vun 1992 bis 1996 zu Paräis Droit studéiert (Université Paris 1 Panthéon-Sorbonne).

Zënter 1997 sinn ech Affekot um Barreau zu Lëtzebuerg. Ech war laang Joëren  an enger grousser lëtzebuerger Etude täteg. Am März 2015 hunn ech décidéiert mech matt mengem Frënd Laurent Fisch zësummenzedoën fir mech besser kennen op meng parlamentaresch Aarbecht ze konzentréieren, awer och aus Loscht op e neien beruffléchen Challenge.

Meng Spézialisatioune leien am Finanz- Gesellschafts an Insolvenzrecht. Mäi professionnelle Liewenslaf a meng juristësch Publikatioune sinn um Site vun eiser Etude : www.fischfayot.lu.

Ech si bestued a Papp vun dräi Kanner.

Zënter 2000 ginn ech och Coursen op der Uni Lëtzebuerg – als chargé de travaux dirigés bis 2006 a seithier als chargé d’enseignement am Master II droit bancaire. Säit 2001 sinn ech Member vum Comité de direction vun den “Annales du droit luxembourgeois”.

Ech si seit Oktober 2013 LSAP Députéierten fir de Bezierk Zentrum an der Chamber. Ech si Member vun der juristëscher Kommissioun, vun der Institutioune Kommissioun, vun der Finanz a Budget’s Kommissioun, vun der Kultur Kommissioun an ech si President vun der Economie Kommissioun. Ech war Rapporteur fir de lëtzebuerger Budget an de Budget pluriannuel 2015. Meng Interventiounen an der Chamber a meng Questions parlementaires fannt der um Site vun der Chamber : www.chd.lu.

Politësch Themen déi mech besonnësch beschäftege si Finanzpolitik, Urbanismus a Froë vu sozialer Gerechtegkeet – ech si kulturpolitëschen a finanzpolitësche Spriecher vun der LSAP Fraktioun an der Chamber. Seit e puer Joër interesséieren ech mech och verstärkt fir d’Politikberäicher Recherche & Développement, Dateschutz a dir d’Digitaliséierung.

Ech si Member vun der LSAP säit 1994 a vum Conseil d’administration vun der Fondation Robert Krieps säit 2007.

Zesumme mam Marc Limpach hunn ech 2010 e Buch iwwert de Robert Krieps erausginn an am Oktober 2017 verëffentleche mer e weidert Buch matt Texter vum Ben Fayot ënnert dem Titel « Histoire(s) et portraits engagés ». Ech si seit 2013 President vun de Stater Sozialisten.

Zënter 2011 sinn ech och Member vum Conseil d’administration vum Kasemattentheater.

 

 

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *